Zyrtarët sirianë mohuan njoftimet se autokolona e presidentit Bashar al-Asad u sulmua kur ai po shkonte në një xhami të Damaskut.
Brigata kryengritëse Tahrir al-Sham tha se kishte hapur zjarr me predha artilerie në drejtim të autokolonës, dhe se disa predha kishin goditur në objektiv.
Ministri sirian i Informacionit Omran al-Zoubi i quajti njoftimet krejtësisht të pavërteta.
Televizioni shtetëror transmetoi pamje të zotit Assad duke u falur për Bajramin në një xhami të kryeqytetit.
Vëzhguesi sirian për të Drejtat e Njeriut me qendër në Britani tha se disa mortaja goditën lagjen Malki në qendër të Damaskut, por nuk konfirmoi ndonjë sulm ndaj autokolonës së zotit Assad.
Konfirmimi i pavarur i ngjarjeve në Siri është i vështirë për shkak të kufizimeve që u janë vënë mediave ndërkombëtare.