Dëshmitarë dhe aktivistë thanë se të paktën 24 persona janë vrarë sot në Siri ku forcat e sigurimit përdorën municion dhe gaz lotsjellës kundër protestuesve anti-qeveritarë.
Shumica e vdekjeve ndodhën në qytetin jugor të Daras, zemra e protestave gjashtë javore kundër presidentit Bashar al-Assad. Vdekje u njoftuan edhe në qytetin Homs.
Më shumë se 10 mijë akvitistë të opozitës u grumbulluan në Damask, demonstrata më e madhe kjo në kryeqytetin sirian që kur filluan protestat anti-qeveritare.
Qeveria tha se katër nga të vrarët ishin ushtarë. Zyrtarët thanë gjithashtu se dy ushtarë ishin kapur rob në atë që e cilësuan si një akt terrorist në Daraa.
Media shtetërore siriane tha se njerëz të armatosur sulmuan sot një postë ushtarake në këtë qytet.
Autoritetet siriane thanë se vendi i tyre ishte objekt konspiracioni. Ata fajësuan banda të armatosura për demonstratat pro-qeveritare të ndihmuar me armë nga Libani dhe Iraku.