Aktivistët sirianë thanë sot se luftëtarët islamistë që po luftonin me kryengritësit kurdë në një qytet pranë kufirit të Sirisë me Turqinë, kanë liruar 300 civilë kurdë që i kishin ndaluar përkohësisht në këmbim të komandantit lokal të grupit të lidhur me al-Kaidën.
Vëzhguesi sirian për të Drejtat e Njeriut me qendër në Britani tha se komandanti islamist në qytetin e Tal Abyadit, i njohur si Abu Musaab, u kap dje vonë gjatë luftimeve intensive mes një grupi të quajtur Shteti Islamik në Irak dhe Lindje, ose ISIS dhe luftëtarëve kurdë.
Grupi islamik u hakmor duke kapur civilët që besohet të jenë të afërm të luftëtarëve kurdë, për t’i mbajtur peng. Luftimet u ndërprenë sot.
Disa ditë më parë, luftëtarët kurdë kishin zmbrapsur militantë arabë të grupit ISIS dhe Frontit al-Nusra nga qyteti strategjik Ras al-Ain dhe pikëkalimi me Turqinë aty pranë.
Vëzhguesi sirian për të Drejtat e Njeriut me qendër në Britani tha se komandanti islamist në qytetin e Tal Abyadit, i njohur si Abu Musaab, u kap dje vonë gjatë luftimeve intensive mes një grupi të quajtur Shteti Islamik në Irak dhe Lindje, ose ISIS dhe luftëtarëve kurdë.
Grupi islamik u hakmor duke kapur civilët që besohet të jenë të afërm të luftëtarëve kurdë, për t’i mbajtur peng. Luftimet u ndërprenë sot.
Disa ditë më parë, luftëtarët kurdë kishin zmbrapsur militantë arabë të grupit ISIS dhe Frontit al-Nusra nga qyteti strategjik Ras al-Ain dhe pikëkalimi me Turqinë aty pranë.