Lidhje

Rezolutë e OKB-së për ndihmat humanitare në Siri


The United Nations Security Council votes on resolution on humanitarian aid for Syria at U.N. headquarters in New York, Feb. 22, 2014.

Këshilli i Sigurimit i OKB-së miratoi dje njëzëri një rezolutë për krizën humanitare në Siri, me kërkesën që të dyja palët në konflikt të lejojnë dërgimin e menjëhershëm të ndihmës së nevojshme për miliona njerëz në gjendje të rëndë.

Këshilli me 15 anëtarë votoi për herë të parë njëzëri për Sirinë. Edhe Rusia dhe Kina, që e kanë mbrojtur qeverinë siriane gjatë luftës civile tre-vjeçare, votuan dje pro rezolutës.

Votimi nuk kërcënon për sanksione; Rusia këmbënguli që kjo referencë të hiqet nga teksti origjinal i mbështetur nga Perëndimi dhe nga vendet arabe. Në të nuk shprehet synimi i Këshillit për marrjen e hapave të mëtejshme në rast se nuk zbatohet rezoluta.

Rezoluta kërkon lëvizjen e menjëhershme të ndihmave përmes kufirit dhe dënon shkeljen e të drejtave të njeriut nga qeveria siriane dhe grupet e armatosura të opozitës.
XS
SM
MD
LG