Lidhje

SHBA fillon stërvitjen e kryengritësve sirianë


Shtetet e Bashkuara kanë filluar stërvitjen e kryengritësve të moderuar sirianë në Lindjen e Mesme në një përpjekje për të forcuar forcat që po luftojnë ekstremistët e Shtetit Islamik.

Për disa kryengritës sirianë, pritjes disa vjeçare për trajnim nga Shtetet e Bashkuara i ka ardhur fundi. Pentagoni thotë se rreth 90 rebelë sirianë me histori të verifikuar kanë filluar të përmirësojnë aftësitë e tyre luftarake nën kontrollin e trupave amerikane, ndërkohë që një grup i dytë luftëtarësh të forcave të medoruara pritet të fillojë stërvitjet brenda disa javësh.

Sekretari amerikan i Mbrojtjes Ashton Carter u tha gazetarëve se programi qëllimisht ka filluar me një grup më të vogël.

"Duhet të provohet për të parë sa i suksesshëm është. Pra, ne jemi duke filluar me njerëzit që kemi, të cilët i kemi verifikuar me shumë kujdes. Ne jemi duke mësuar se cili lloj i trajnimit është më i mirë, dhe cili është dislokimi më i mirë fillestar. Ne presim që programi të jetë i suksesshme dhe të zgjerohet".

Me stërvitjen e kryengritësve për të luftuar militantët e Shtetit Islamik, udhëheqësit ushtarakë thonë se Shtetet e Bashkuara kanë marrë përsipër një pjesë të përgjegjësisë për mbrojtjen e tyre pasi ata të ri-hyjnë në territorin sirian.

Por sekretari Carter thotë se administrata ende nuk ka vendosur saktësisht se si dhe kur Shtetet e Bashkuara do të mbështesë kryengritësit, nëse ata sulmohen nga forcat e presidentit sirian Bashar al-Asad.

"Ne kemi disa detyrime ndaj këtyre njerëzve. Ata po luftojnë për vendin e tyre, por nga ana tjetër, ne e pranojmë se kemi një detyrim për sigurinë dhe efektshmërinë e tyre".

Partnerët rajonalë që po ndihmojnë me stërvitjen janë të interesuar në përmbysjen e qeverisë së Asadit ndërkohë që ajo vazhdon të humbasë epërsinë ndaj rebelëve.​

"Unë besoj se ka një prirje më pak të favorshme për regjimin dhe nëse unë do të isha në vendin e Bashar al-Asad-it, do të shqyrtoja mundësinë për hyrje në bisedime".

Megjithatë, Gjenerali Martin Dempsey shtoi se misioni është i përqendruar në mposhtjen e ekstremistëve të Shtetit Islamik, dhe se çdo ndryshim drastik i pushtetit në Siri do të mund ta përkeqësonte gjendjen humanitare atje.

XS
SM
MD
LG