Opinioni publik ndaj institucioneve në Shqipëri
Fondacioni Shoqëria e Hapur publikoi sot në Tiranë të dhënat paraprake të një studimi, sipas të cilit, shoqëria ka një mosbesim të thellë ndaj institucioneve shtetërore dhe partive politike. Sondazhi, që është pjesë e një studimi në 30 shtete europiane, ka zbuluar se shumica e shqiptarëve ndjehen të papërfaqësuar dhe u rrinë larg partive politike. Varfëria është një temë kryesore, ndërsa gjysma e të anketuarve pohojnë se gjejnë punë në të zezë, dhe nuk janë sindikalistë.