Gjykatat në tre shtete amerikane, në Karolinën e Veriut, Uiskonsin dhe Kanzas, të premtën morën vendime për të përmbysur ligjet kufizuese për votimet.
Këto vendime vijnë vetëm disa muaj para zgjedhjeve presidenciale të 8 nëntorit, ku do të përballen miliarderi Donald Trump dhe ish-Sekretarja e Shtetit, Hillary Clinton.
Vendimet në të tre shtetet ka të ngjarë të rezultojë në një pjesëmarrje më të madhe të pakicave në votimet e nëntorit.
Ligjet kufizuese janë miratuar kryesisht pas zgjedhjes së presidentit demokrat Barack Obama, presidenti i parë afrikano-amerikan i vendit.
Mbështetësit e masave kufizuese thonë se ato ndalojnë manipulimin e votave. Megjithatë, studime të shumta kanë treguar se manipulimi i votave në Shtetet e Bashkuara është tepër i vogėl.
