Mijëra studentë u mblodhën në universitetin e Karolinës së Veriut për të nderuar Deah Shaddy Barakat, bashkëshorten e tij Yusor Abu-Salha, dhe motrën e saj 19-vjeçare Razan Abu-Salha, të tre studentë, që u vranë të martën në apartamentin e tyre në kampus.
Familjarët dhe të afërmit besojnë se ky është një krim me motive urrejtjeje që ka të bëjë me fenë e tyre myslimane.
46-vjeçari Craig Stephen Hicks, fqinj i tyre, akuzohet për vrasjet.
Policia beson se motivi i vrasjes është një mosmarrëveshje e vjetër për një vend parkimi. Por i jati i dy vajzave tha dje se beson se vrasja ka motive të urrejtjes. Ai tha se Hicks u kishte dalë disa herë përprara vajzës së tij dhe bashkëshortit të saj duke mbajtur një armë në brez.
Një fushatë në Twitter ("#MuslimLivesMatter") që filloi për të tërhequr vëmendjen e medias ndaj tragjedisë ka tërhequr përkrahës në mbarë globin.