Lidhje

Sulmet ajrore të Natos trondisin qytetin Bani Valid të Libisë

  • Zëri Amerikës

Sulmet ajrore të Natos trondisin qytetin Bani Valid të Libisë

Sulmet ajrore të Natos tronditën qytetin Bani Valid në Libi, një nga qëndresat e fundit të përkrahësve të Moamar Gadafit.

Shpërthime të fuqishme u dëgjuan sot pas kalimit të zhurmshëm të avionëve. Ndërkohë një korrespondente e Zërit të Amerikës pranë qytetit tha se luftëtarët e qeverisë kalimtare po shkojnë në çdo shtëpi në përpjekje për të hequr snajperat. Ajo tha se zjarri i artilerisë së rëndë mund të dëgjohet nga vendi i ngjarjes.

Luftëtarët e Këshillit Kombëtar Kalimtar përparuan dje në qytet – një ditë përpara afatit të caktuar për përkrahësit e Moamar Gadafit që të dorëzohen. Këshilli tha se luftëtarët e tij përparuan pasi u sulmuan me raketa nga besnikët e Gadafit.

Qeveria kalimtare tha se të paktën tre luftëtarë të saj u vranë në përleshje. Luftëtarët e Këshillit po luftojnë gjithashtu në Sirte, qyteti i lindjes së Moamar Gadafit.

XS
SM
MD
LG