Sulmohet një banesë e paqeruajtësve danezë në Zubin Potok

Në Kosovë, autoritetet e policisë dhe të NATO-s thanë se persona të panjohur kanë sulmuar një banesë të paqeruajtësve danezë në Zubin Potok, një nga tri komunat veriore të Kosovës me shumicë serbe. Zyrtarët thanë se sulmi i cili kaloi pa pasoja në njerëz, pasoi një letër kërcënuese në të cilën trupat e KFOR-it akuzoheshin për qëndrim të njëanshëm. Zyrtarë të KFOR-it e dënuan incidentin, duke nënvizuar se nuk do të tolerojnë asnjë akt dhune apo kërcënimi.