Afrimi i zgjedhjeve të reja vendore në Shqiperi dhe mbulimi i tyre nga mediat, ishte sot në qendër të një takimi të zhvilluar në Shkodër nga Instituti Shqiptar i Medias dhe Fondacioni Friedrich Ebert me përfaqësues të mediave. Ekspertë për mediat dhe zgjedhjet u shprehën mbi sfidat me të cilat do të përballen mediat në këto zgjedhje, siç janë raportimi nga këndvështrimi i votuesve dhe jo axhendat e partive politike, mbulimi i zonave të largëta si dhe kandidatëve të pavarur, të cilët duket se do të jenë të shumtë në këto zgjedhje.