Ministrat e financave të Eurozonës po takohen sot në Poloni, për të diskutuar mbi krizën e borxheve të Greqisë.
Në takimin që mbahet në qytetin Wrocklaw, merr pjesë edhe Sekretari amerikan i Thesarit, Timothy Gajtner.
Kjo është hera e parë që një sekretar amerikan thesari merr pjesë në një takim ministrash të financave të Eurozonës.
Ky është një tregues i faktit se Shtetet e Bashkuara shqetësohen përherë e më tepër lidhur me ndikimin që ka në ekonominë botërore kriza e borxheve të vendeve të Eurozonës. Zoti Gajtner i ka kërkuar homologëve të tij evropianë të gjejnë një zgjidhje afatgjatë për problemet e borxhit, që janë zvarritur për rreth dy vjet.