Lidhje

Talebanët afganë thanë se janë të gatshëm të hapin një zyrë politike në Katar


Talebanët afganë thanë se janë të gatshëm të hapin një zyrë politike në Katar

Talebanët afganë thanë se janë të gatshëm të hapin një zyrë politike në Katar

Talebanët afganë thanë se janë të gatshëm të hapin një zyrë politike në shtetin e Gjirit Persik të Katarit, një lëvizje kjo e cila mund të ndihmojë zhvillimin e bisedimeve të paqes, për t’i dhënë fund luftës në Afganistan.

Njoftimi erdhi sot nëpërmjet një deklarate të dërguar me e-mail nga zëdhënësi i talebanëve Zabihullah Mujahid. Ai tha se zyra në fjalë mund t'a ndihmojë grupin të “arrijë mirëkuptim me komunitetin ndërkombëtar”. Megjithatë, deklarata nuk e përmend qeverinë afgane, të cilën talebanët e kanë cilësuar një regjim “kukull”.

Deklarata talebane kërkon gjithashtu lirimin e të burgosurve të mbajtur në burgjet e Bregut të Guantanamos në Kubë, si pjesë e çfarëdo marrëveshjeje të mundshme për paqen.

Anëtarë të Këshillit të Lartë të Afganistanit për Paqen e mirëpritën njoftimin. Zyrtarë afganë e kishin kundërshtuar më parë idenë e një zyre talebane për bashkërendim në Katar dhe vrasja e të dërguarit afgan për bisedimet, ish Presidentit Burhaudin Rabbani, u duk se i zmbrapsi të gjitha përpjekjet për të arritur një marrëveshje për paqen. Por më vonë Presidenti afgan Hamid Karzai tha se qeveria e tij do t'a pranonte zyrën zyrën e re ndërlidhëse.

XS
SM
MD
LG