Në Tiranë qeveria shqiptare miratoi sot tekstin e marrëveshjes që do të nënshkruhet me Italinë dhe Greqinë, pjesë e procedurave të nevojshme për realizimin e projektit të gazsjellësit Trans Adriatic Pipeline. Kryeministri Sali Berisha e cilësoi marrëveshjen si një moment tepër të rëndësishëm që përmbush kuadrin ligjor për kalimin e gazsjellësit në territoret e të tre vendeve.
Pas nënshkrimit në shtator të vitit të kaluar në Nju jork të marrëveshjes së bashkëpunimit ku Shqipëria, Italia dhe Greqia shprehnin vullnetin për të mbështetur ndërtimin e gazjellësit Tap, i cili parashikon të dërgojë në Europë gazin nga fushat e Azerbajxhanit, të tre vendet pritet të nënshkruajnë marrëveshjen ndërqeveritare 13 shkurtin e ardhshëm, me shumë gjasa në Athinë të Greqisë.
Nga ana e saj qeveria e Tiranës e miratoi sot në parim tekstin. Kryeministri Sali Berisha nuk hezitoi ta cilësonte marrëveshjen si historike jo vetëm në aspektin e zhvillimit ekonomik por edhe në atë të bashkëpunimit ndërkombëtar të Shqipërisë: “Aktualisht është projekti më fizibël, më i leverdishëm që ekziston nga të gjitha projektet e tjera. Leverdia e Shqipërisë për këtë projekt është e jashtëzakonshme, por edhe angazhimi i saj për të qenë partnerë në këtë projekt ka qenë i jashtëzakonshëm gjatë këtyre viteve. Marrëveshja finalizon një kuadër ligjor të domosdoshëm të bashkëpunimit dhe kalimit të gazsjellësit në territorin e vendeve tona”.
Në garë për shfrytëzimin e gazit të Azerbjaxhanit është edhe projekti tjetër alternativ Nabucco West, i cili kalon përmes Gjeorgjisë, Turqisë e më pas në Bullgari, Rumani e Hungari për të përfunduar në Austri. Sipas një raporti të paraqitur në komitetin e marrëdhënieve me jashtë të senatit amerikan, ky projekt vlerësohet të ketë një avantazh gjeostrategjik dhe mbështetje më të madhe politike.
Por përfaqësuesit e konsorciumit Tap, i përbërë nga tre firma të mëdha europiane në sektorin e energjisë, janë tejet optimist për mundësinë e përzgjedhjes së projektit të tyre. Edhe marrëveshja ndërqeveritare mes Shqipërisë, Italisë dhe Greqisë konsiderohet si një tjetër hap i rënbdësishëm duke qenë se është një nga dokumentat kryesorë të domosdoshëm për finalizimin e gazjellësit.
Vendimi përfundimtar nga konsorciumi që administron vendburimin e Shah Deniz II në Azerbajxhan pritet të merret në mesin e këtij viti. Nëse Tap do të përzgjidhej, përfitimet e Shqipërisë do të ishin të shumëfishta. “Shqipëria merr një pozicion nevralgjik në fushën e energjisë në rajon, pasi vetë pozicioni i saj gjeografik është shumë i rëndësishëm. Ajo është jo vetëm një vendkalim i gazsjellësit drejt Italisë, por ekziston edhe një potencial tjetër i madh, që gazi, krahas trajektores së gjertanishme, të shkojë drejt Ballkanit të Veriut”, tha kryeministri Berisha.
Gjatësia e gazsjellësit në territorin shqiptar është 209 kilometra, ndërsa 69 kilometra të tjerë do të shtrihen nën det në Adriatik.
Pas nënshkrimit në shtator të vitit të kaluar në Nju jork të marrëveshjes së bashkëpunimit ku Shqipëria, Italia dhe Greqia shprehnin vullnetin për të mbështetur ndërtimin e gazjellësit Tap, i cili parashikon të dërgojë në Europë gazin nga fushat e Azerbajxhanit, të tre vendet pritet të nënshkruajnë marrëveshjen ndërqeveritare 13 shkurtin e ardhshëm, me shumë gjasa në Athinë të Greqisë.
Nga ana e saj qeveria e Tiranës e miratoi sot në parim tekstin. Kryeministri Sali Berisha nuk hezitoi ta cilësonte marrëveshjen si historike jo vetëm në aspektin e zhvillimit ekonomik por edhe në atë të bashkëpunimit ndërkombëtar të Shqipërisë: “Aktualisht është projekti më fizibël, më i leverdishëm që ekziston nga të gjitha projektet e tjera. Leverdia e Shqipërisë për këtë projekt është e jashtëzakonshme, por edhe angazhimi i saj për të qenë partnerë në këtë projekt ka qenë i jashtëzakonshëm gjatë këtyre viteve. Marrëveshja finalizon një kuadër ligjor të domosdoshëm të bashkëpunimit dhe kalimit të gazsjellësit në territorin e vendeve tona”.
Në garë për shfrytëzimin e gazit të Azerbjaxhanit është edhe projekti tjetër alternativ Nabucco West, i cili kalon përmes Gjeorgjisë, Turqisë e më pas në Bullgari, Rumani e Hungari për të përfunduar në Austri. Sipas një raporti të paraqitur në komitetin e marrëdhënieve me jashtë të senatit amerikan, ky projekt vlerësohet të ketë një avantazh gjeostrategjik dhe mbështetje më të madhe politike.
Por përfaqësuesit e konsorciumit Tap, i përbërë nga tre firma të mëdha europiane në sektorin e energjisë, janë tejet optimist për mundësinë e përzgjedhjes së projektit të tyre. Edhe marrëveshja ndërqeveritare mes Shqipërisë, Italisë dhe Greqisë konsiderohet si një tjetër hap i rënbdësishëm duke qenë se është një nga dokumentat kryesorë të domosdoshëm për finalizimin e gazjellësit.
Vendimi përfundimtar nga konsorciumi që administron vendburimin e Shah Deniz II në Azerbajxhan pritet të merret në mesin e këtij viti. Nëse Tap do të përzgjidhej, përfitimet e Shqipërisë do të ishin të shumëfishta. “Shqipëria merr një pozicion nevralgjik në fushën e energjisë në rajon, pasi vetë pozicioni i saj gjeografik është shumë i rëndësishëm. Ajo është jo vetëm një vendkalim i gazsjellësit drejt Italisë, por ekziston edhe një potencial tjetër i madh, që gazi, krahas trajektores së gjertanishme, të shkojë drejt Ballkanit të Veriut”, tha kryeministri Berisha.
Gjatësia e gazsjellësit në territorin shqiptar është 209 kilometra, ndërsa 69 kilometra të tjerë do të shtrihen nën det në Adriatik.