Në Kosovë, familjarët e personave të pagjetur gjatë luftës së fundit, kanë shprehur shqetësimin për zvarritjen e ndriçimit të fatit të personave të zhdukur. Këto shqetësime i bënë në mbledhjen e Komisionit qeveritar për persona të zhdukur, ku u tha se shqetësim mbetet mungesa e informacioneve të reja për personat e pagjetur. Përfaqësues të familjarëve të personave të zhdukur i kanë bërë thirrje institucioneve vendase për më shumë angazhim në ndriçimin e fatit të personave të zhdukur, ku edhe më tej mbetet i paqartë fati i 1 mijë e 740 personave, pjesa më e madhe e të cilëve të përkatësisë kombëtare shqiptare.
