Një termet prej 5.8 ballësh ka tronditur pjesë të mira të brigjeve lindore të Shteteve të Bashkuara, duke lëkundur ndërtesat dhe nxjerrë në rrugë punonjësit e zyrave në qytete si Washingtoni.
Termeti shkundi rajonin mbasditen e së martës. Insituti Sizmiologjik thotë se termeti e kishte epiqendrën në afersi të qytetit Mineral në Virxhinia ose 135 kilometra në jugperëndim të Washingtonit. Termeti është i dyti më i fuqishëm në Virxhinia që nga viti 1897.
Autoritetet evakuuan ndërtesën e Kongresit, Pentagonin dhe ndërtesa të tjera federale, përfshi zyrat qendrore të Zërit të Amerikës, e cila përkohësisht ndaloi transmetimet e zakonshme pas termetit. Muzeumet kryesore të Washingtonit po ashtu u mbyllën dje.
Lekundjet e termetit u ndjenë deri në Boston, përfshi Martha’s Vineyard, Massachusetts, ku Presidenti Barak Obama po kalon pushimet. Lëkundjet po ashtu u ndjenë në perëndim deri në Pittsburgh, Pennsylvania dhe në jug deri në Atlanta, Georgia.
Sistemi i trasnportit në New York dhe qytete të tjera rifilloi pas vonesave. Zyrtarët federal thonë se dy reaktorë bërthamor në kontenë Louisa të Virxhinias u fikën automatikisht nga sistemet e sigurisë. Zyrtarët po shkonin në zonë për të bërë inspektime.