Kryeministrat e Kosovës dhe Serbisë, Hashim Thaçi e Ivica Daçiç, thanë sot se procesi i bisedimeve për normalizimin e marrëdhënieve ndërmjet të dyja vendeve, u ka sjellë përfitimeve të dyja palëve dhe u angazhuan për vazhdimin e këtij procesi. Gjatë një debati në kuadër të konferencës së Munihut për sigurinë, ata thanë se kanë rënë dakord për ndërtimin e një autostrade që lidh Prishtinën me Beogradin, një projekt që do të duhej të financohej nga Bashkimi Evropian i cili po ndërmjetëson edhe procesin e bisedimeve.