Tokio, protestë e fermerëve dhe peshkatarëve

Mijëra fermerë dhe peshkatarë japonezë protestuan në Tokio kundër pjesëmarrjes së propozuar nga Japonia për një organizatë të zgjeruar për tregëtinë e lirë të vendeve të Azi-Paqësorit. Sipas shtypit japonez, më shumë se 100 ligjvënës u bashkuan me rreth 6 mijë protestues, duke kërkuar tërheqjen e qeverisë nga bisedimet për anëtarësimin e vendit në këtë organizatë. Por përkrahësit e kësaj organizate thonë se anëtarësimi do të përmirësonte qasjen në tregjet e huaja dhe do ta ndihmonte Japoninë të konkurrojë me rivalët rajonalë për tregti dhe investime.