Lidhje

Trump shqyrton kandidaturat për shefat e diplomacisë, mbrojtjes


Presidenti i zgjedhur Donald Trump po takohet sot me disa kandidatë për poste të kabinetit të tij presidencial.

Zoti Trump ndodhet sot në kompleksin e tij të pushimeve në Bedminster të Nju Xhërsit ku po takohet me dy prej mbrojtësve të tij më të fortë gjatë fushatës, ish-kryetarin e bashkisë së Nju Jorkut Rudy Giuliani dhe guvernatorin e Nju Xhërsit Chris Christie.

Zoti Giuliani nuk ka shumë përvojë në politikën e jashtme por ka kërkuar që të emërohet sekretar shteti. Ndihmësit e zotit Trump thonë se presidenti i zgjedhur po analizon edhe kandidatura të tjera.

Chris Christie ishte një ndër 15 rivalët që konkurruan me zotin Trump për emërimin e Partisë Republikane si kandidat në zgjedhjet presidenciale. Pasi u eliminua nga gara, Christie e mbështeti Donald Trumpin dhe bëri fushatë për të. Ai ishte për disa kohë edhe kreu i ekipit të tranzicionit për zotin Trump. Por guvernatori i Nju Xhërsit shihet si kandidat me probleme, pasi një numër zyrtarësh të administratës së tij u shpallën fajtorë në një skandal me motive politike në shtetin e Nju Xhërsit.

Po sot, Donald Trump njoftoi përmes Twitterit se po shqyrton mundësinë që të emërojë gjeneralin në pension James Mattis si Sekretar të Mbrojtjes.

XS
SM
MD
LG