Lidhje

I dyshuari për shpërthimet në Boston hesht


I dyshuari për shpërthimet e Bostonit i cili vazhdon të jetë i shtruar në spital ka ndërprerë komunikimin me policinë. Por prindërit e tij mbajtën një konferencë shtypi sot në Rusi. Ndërsa hetuesit përpiqen të gjejnë prova për të mbështetur akuzën, po dalin në dritë të dhëna të reja. Mbrëmë agjentët zbuluar një grumbull fishekzarresh jo shumë larg vendit ku përfundoi kërkimi për të dyshuarit.

I dyshuari që i mbijetoi shpërthimeve në Boston – tani po hesht. Zyrtarët thane se Dzhokhar Tsarnaev iu përgjigj pyetjeve për 16 orë por ka ndërprerë komunikimin pasi iu ngritën akuzat në dhomën e spitalit. Në Rusi, i ati i tij tha se do të nisej sot për në Shtetet e Bashkuara. E ëma ende nuk pranon se djemtë e saj janë fajtorë.

Zubeidat Tsarnaeva, Mother of Bombing Suspects

''Jo, nuk e pranoj dhe nuk do ta pranoj asnjëherë,'' tha Zubeidat Tsarnaeva.

Këto foto të reja dramatike tregojnë vëllezërit Tsarnaev në betejë me policinë, një përleshje që la vëllanë e madh Tamerlan të vdekur në rrugë.

Agjencitë amerikane të zbulimit thanë se pas një informacioni rus në vitin 2011, Tamerlan iu shtua listës së dy terroristëve nën vëzhgim por sistemi nuk kishte informacione të mjaftueshme për të dhënë alarmin.

Dutch Ruppersberger, Maryland

''I kontaktuam rusët në tre raste të ndryshme për të marrë informacion por nuk morëm asgjë më shumë”, thotë ky agjent.

Në Boston, qyteti po përpiqet ta lërë pas tragjedinë.

Turma njerëzish vizituan memorialet në vendngjarje ndërsa bizneset private riparuan dëmet e shpërthimit.

Në spitale ka ende 34 viktima të plagosura që po marrin mjekime.
Në mbarë qytetin, mijëra vetë morën pjesë dje në ceremoninë mortore të një polici që nuk u mbijetoi sulmeve – oficeri i sigurisë Sean Collier.

Dzhokhar Tsarnaev, i cili përballet me dënimin me vdekje, do të përfaqësohet nga një avokat i njohur, i cili ka përfaqësuar terroristin Richard Reed, i njohur për vendosjen e bombës në këpucë në vitin 2001.
XS
SM
MD
LG