Zyrtarët në Tunizi thonë se të paktën dy vetë u vranë sot, pasi policia qëlloi me armë gjatë një proteste në qytetin El Kef.
Policia hapi zjarr ndaj një grupi prej rreth 1 mijë protestuesish që qëllonin me gurë dhe bomba tymi në drejtim të zyrave të policisë. Protestuesit kërkonin që shefi i policisë të japë dorëheqjen pas akuzave për abuzim me pushtetin.
Dëshmitarët thonë se dhuna filloi pasi shefi i i policisë qëlloi me pëllëmbë një grua nga turma. Të paktën 17 vetë u plagosën. Ministria e Brendshme tuniziane thotë se shefi i policisë është arrestuar.