Zyrtarët turq thonë se të paktën 28 vetë u vranë dhe 61 të tjerë u plagosën në një shpërthim masiv në kryeqytetin e vendit, Ankara.
Shpërthimi ndodhi ndërsa një autokolonë me autobuzë të ushtrisë po kalonin disa qindra metra larg zyrave të ushtrisë.
Guvernatori i Ankarasë, Mehmet Kiliclar, tha se shpërthimi duket se ishte shkaktuar nga një makinë bombë.
Policia është duke zhvilluar hetime për incidentin.
Një zyrtar tha se kryeministri turk Ahmet Davutoglu e ka anuluar një vizitë të planifikuar për në Bruksel, për shkak të sulmit.