Lidhje

Turqia arreston pesë persona nën dyshimet për bashkëpunim me al-Kaidën

  • Arben Xhixho

Turqia arreston pesë persona nën dyshimet për bashkëpunim me al-Kaidën

Turqia arreston pesë persona nën dyshimet për bashkëpunim me al-Kaidën

Shtypi turk njoftoi sot se policia ndaloi pesë persona të dyshuar se kanë ndihmuar militantët e al-Kaidës në Afganistan.

Të pesë personat, shumica studentë, u morën në pyetje pasi u arrestuan gjatë bastisjeve në disa qytete turke këtë javë.

Ata po hetohen për dërgimin e parave për të mbështetur luftëtarët e al-Kaidës dhe për ndërtimin e programeve kompjuterike me synim dëmtimin e sistemeve të avionëve të NATO-s që përdoreshin kundër objektivave të al-Kaidës në Afganistan.

Turqia është tronditur nga al-Kaida pasi militantë islamikë brenda vendit të lidhur me al-Kaidën kryen sulme vetëvrasëse në Stamboll në vitin 2003, duke vrarë 58 veta.

Në korrik, policia turke ndaloi 29 njerëz të dyshuar për lidhje me al-Kaidën ndërkohë që në janar u arrestuan edhe 120 të tjerë për mbështetje të al-Kaidës.

XS
SM
MD
LG