Kryeministri i Turqisë paralajmëroi se Siria mund të shkasë në luftë sektare civile, ndërsa trazirat në këtë vend vazhdojnë.
Kryeministri Rexhep Taip Erdogan tha në një intervistë për gazetën egjiptiane Al-Shoruk se druhet se kriza që ka përfshirë fqinjin jugor të Turqisë, Sirinë, do të përfundojë me një konflikt mes sekteve Alauite dhe Suni.
Sundimtarët e Sirisë i përkasin sektit Alauit, një degë e myslimanëve Shi’itë, ndërsa shumica e banorëve të Sirisë janë Suni. Po ashtu, gjatë komenteve që bëri para mijëra njerëzve në Kairo, zoti Erdogan tha se në Siri janë shtuar vrasjet e civilëve, por qeveria nuk ka ndërmarrë reforma.