Zyrtarët turq thonë se një nga anijet e tyre ka filluar kërkimet për naftë e gaz pranë zonës ku zhvillojnë kërkime grekët e Qipros.
Zyrtarët thanë sot se anija e kërkimeve po operon nën mbrojtje ushtarake në pjesën lindore të detit Mesdhe.
Më parë, kryeministri i pjesës turke të Qipros Irsen Kucuk tha se anija kishte filluar kërkimet, por nuk specifikoi se ku.
Nisja e anijes u bë pas nënshkrimit të një marrëveshjeje mes Turqisë dhe turqve të Qipros për kerkime për naftë e gaz në Mesdheun lindor. Bashkimi Evropian e kundërshtoi marrëveshjen, e cila u arrit në përgjigje të një mase të ngjashme nga pjesa greke e Qipros, e njohur në shkallë ndërkombëtare.