Lidhje

Ish udhëheqësi sovjetik Mikhail Gorbaçov kritikon qeverinë ruse

  • Zëri Amerikës

Ish udhëheqësi sovjetik Mikhail Gorbaçov kritikon qeverinë ruse

Ish udhëheqësi sovjetik Mikhail Gorbaçov ka kritikuar qeverinë ruse dhe ka shprehur shqetësimin e tij se vendi po “bën hapa prapa” thuajse dy dekada mbas grushtit të shtetit që çoi në shpërbërjen e Bashkimit Sovjetik.

Duke folur sot, dy ditë përpara përvejtorit të 20-të të rrëzimit të tij nga pushteti, zoti Gorbaçov tha se Rusia ka nevojë për zgjedhje të lira dhe udhëheqje të re. Ish udhëheqësi i partisë komuniste dhe ish presidenti i Bashkimit Sovjetik, tha se është e domosdoshme për njerëzit që të ndjehen pjesë e këtij procesi. Ai rekomandoi rivendosjen e zgjedhjeve të drejtpërdrejta për guvernatorët si dhe një raund të vetëm për zgjedhjet parlamentare.

Zoti Gorbaçov u shpreh kundër lejimit të qeverisjes së Rusisë nga një monopol dhe bëri thirrje për atë që e quajti “rotacion në rangjet më të larta”.

Përvjetori i grushtit të shtetit në Rusi vjen në një periudhë ku janë shtuar paqartësitë se cili do të jetë presidenti i ardhshëm i vendit, mbas zgjedhjeve që mbahen vitin e ardhshëm.

Zoti Gorbaçov e krahasoi partinë Rusia e Bashkuara të kryeministrit Vladimir Putin me Partinë komunsite Sovjetike. Por ai shmangu kritikat e drejtpërdrejta për zotin Putin, duke e vlerësuar atë për stabilizimin e Rusisë mbas problemeve ekonomike dhe trazirave gjatë dekadës së parë të shpërbërjes së ish Bashkimit Sovjetik.

XS
SM
MD
LG