Udhëheqësit politikë të Kosovës u kanë shkruar udhëheqësve të vendeve anëtare të Kombeve të Bashkuara dhe organizatave ndërkombëtare, duke u bërë thirrje për njohjen e pavarësisë së Kosovës. Njëkohësisht ata kanë bërë thirrje për refuzimin e rezolutës së paraqitur nga Serbia në Kombet e Bashkuara, duke e cilësuar atë si veprim të panevojshëm dhe si një kritikë të papranueshme ndaj Gjykatës Ndërkombëtare të Drejtësisë. Analistët thonë ndërkaq se kjo letër është hap pozitiv, por i pamjaftueshëm për të nxitur njohjet e reja.