Lidhje

Senati amerikan shtyn votimin e një projektligji të imigracionit

  • Zëri Amerikës

Senati amerikan shtyn votimin e një projektligji të imigracionit

Senati amerikan shtyn votimin e një projektligji të imigracionit

Senati amerikan ka shtyrë votimin e një projektligji për imigrantët në mënyrë që të shqyrtojë më vonë një version që tashmë është miratuar në Dhomën e Përfaqësuesve.

I ashtuquajturi DREAM Act, projekti do t’u jepte imigrantëve të rinj në moshë, që kanë ardhur ilegalisht në Shtetet e Bashkuara, shansin për t’u bërë shtetas.

Nuk është e qartë nëse demokratët kanë votat e nevojshme për të penguar procedurat që republikanët mund të përdorin për të bllokuar shqyrtimin e ligjit.

Presidenti Obama nxorri një deklaratë ku vlerëson veprimin e ndërmarrë nga Dhoma e Përfaqësuesve dhe duke e cilësuar atë si gjënë e duhur për Amerikën. Ai tha se projektligji do të korrigjonte një gabim në sistemin e imigracionit të vendit që dënon të rinjtë që janë rritur në Shtetet e Bashkuara dhe kanë dhënë kontributin e tyre në komunitet.

Projektligji do t’u jepte imigrantëve të paligjshëm që kanë ardhur në Shtetet e Bashkuara nën moshën 16 vjeçare mundësinë për të fituar status ligjor dhe qytetarinë amerikanë duke shkuar në kolegj ose duke shërbyer për dy vjet në ushtrinë amerikane.

XS
SM
MD
LG