Lidhje

SHBA, dita kur nderohen veteranët


Presidenti Barack Obama nderoi sot afro 22 milionë veteranët amerikanë në Varrezat Kombëtare pranë Uashingtonit.

Zoti Obama mori pjesë në një ceremoni ku u vendos kurorë në Varrin e Ushtarit të Panjohur, një monument që u kushtohet anëtarëve të paidentifikuar të ushtrisë amerikane që sakrifkuan jetën.

Presidenti kishte ftuar për mëngjes në Shtëpinë e Bardhë, veteranë dhe familjet e tyre. Mes tyre ishte edhe një veteran i Luftës së Dytë Botërore, në moshën 108 vjeçare. Presidenti i zgjedhur Donald Trump, tha se po e kalon Ditën e Veteranëve duke u marrë me formimin e administratës së tij të re. Në një mesazh në Twitter ai shkruante se shumë shpejt do të bëhen të ditura vendime të rëndësishme lidhur me personat që do ta ndihmojnë të qeverisë. Pjesëtarët e ushtrisë nderohen çdo vit, më 11 nëntor, Ditën e Veteranëve, që u bë një festë federale në vitin 1938.

XS
SM
MD
LG