Lidhje

Gjyq ushtarak për Bradley Manning

  • Zëri Amerikës

Gjyq ushtarak për Bradley Manning

Gjyq ushtarak për Bradley Manning

Ushtria e Shteteve të Bashkuara ka urdhëruar që të zhvillohet një gjyq ushtarak për një ekspert të zbulimit me gradë të ulët, i cili akuzohet se i ka dhënë dokumenta sekrete faqes së internetit WikiLeaks.

Një zëdhënëse e ushtrisë tha se ushtria e miratoi propozimin për zhvillimin e gjyqit ndaj ish-ushtarakut Bradley Manning. Ende nuk është vendosur data se kur do të fillojë procesi.

Zoti Manning u paraqit në muajin dhjetor në një seancë dëgjimore paraprake. Ekspertë të akuzës dëshmuan se kishin gjetur prova që vërtetonin se zoti Manning kishte shkarkuar dokumenta diplomatikë në disqe, të cilat i ishin dërguar faqes së internetit kundër-sekreteve WikiLeaks.

Avokatët e zotit Manning e kanë përshkruar klientin e tyre si një njeri me probleme mendore, i cili nuk duhej të ishte lejuar të përdorte dokumenta sekrete gjatë shërbimit të tij në Irak, në periudhën nëntorit 2009 - maj 2010. Ata thanë gjithashtu se kontrolli i kompjuterave të tij nga ana e ushtrisë kishte qenë i pasaktë.

Zoti Manning përballet me 22 akuza, përfshi edhe atë të ndihmës ndaj armikut. Atij mund t’i duhet të kalojë pjesën tjetër të jetës në burg, nëse shpallet fajtor.

XS
SM
MD
LG