Lidhje

Dita e Shën Valentimit nëpër botë


Dita e Shën Valentinit njihet në mbarë botën si dita e dashurisë. Papa Françesku shënoi festimet e 14 shkurtit në Sheshin e Shën Pjetrit me një sesion me pyejtje përgjigje nga mijëra çifte të fejuar. Ai u tha atyre se sekretei për të ruajtur dashurinë është “të mos e mbyllësh asnjë didtë pa qënë në paqe me njëri-tjetrin”.

Ndërkohë, më shumë se njëqind çifte në Hong Kong lidhën byzylykë të kuq në kyçet e duarve, përpara statujës së artë të Yue Lao, zotit kinez të martesës.
Në Tajvan, dita e Shën Valentinit përkoi me fundin e Vitit të Ri kinez, i cili u shënua me Festivalin tradicional të Fenerëve.

Ndërsa në Paris, i njohur si qyteti i dashurisë, çiftet vendosën kyçe tek Pont des Arts, që njihet dhe si ura e “Kyçeve të Dashurisë”. Por dita e Valentinit nuk është e kufizuar vetëm për romancë. Shumë njerëz në botë shprehin dashurinë e tyre gjithashtu ndaj familjes dhe miqve.

Në Shtetet e Bashkuara, Federata Kombëtare e Shitjeve me Pakicë pret që njerëzit të shpenzojnë më shumë se 17 miliardë dollarë këtë vit për karamele, kartolina, lule dhe kujtime të tjera për të shënuar këtë ditë.
XS
SM
MD
LG