Përkrahja për ish kryetarit të Dhomës së Përfaqësuesve Newt Gingrich vazhdon të rritet në garën për kandidaturën presidenciale të partisë republikane.
Një anketë e re e publikuar sot tregon se Gingrich kryeson me mbi 10 pikë në tre shtete kyçe – Florida, Ohio dhe Pennsylvania.
Anketa e Universitetit Wuinnipiac tregon se votuesit repubikanë zgjedhin zotin Gingrich mbi ish guvernatorin e Massachusetts Mitt Romney me 18 deri në 27 përqind.
Ndihmës drejtori i universitetit për institutin e anketave tha se zoti Gingrich nuk është më “thjesht një pretendent i rastësishëm”.
Ish kryetari i Dhomës së Përfaqësuesve u ngjit në krye të kandidatëve republikanë ndërsa biznesmeni Herman Cain humbi mbështetje dhe eventualisht doli nga gara pas akuzave për ngacmime seksuale dhe një marrëdhënie jashtë martesore.
Shifrat e reja të anketës vijnë më pak se një muaj para zgjedhjeve paraprake të Iowa-s – votimi i parë në procesin për emërimin presidencial të partisë republikane.