Raporti i dytë i vëzhguesve vendorë
Në Shqipëri koalicioni i vëzhguesve vendorë tha sot se megjithë përpjekjet e saj për të funksionuar normalisht vetëm me katër anëtarë, veprimtaria e Komisonit Qëndror të Zgjedhjeve është e paplotë. Koalicioni publikoi raportin e dytë mbi ecurinë e procesit të përgatitjes së zgjedhjeve të 23 qershorit ku ngre shqetësime për një sërë aspektesh, që nga klima e acaruar politike te shkeljet dhe mosrespektimi i mjaft detyrimeve të përcaktuara nga Kodi Zgjedhor.