Lidhje

Përfundon pa marrëveshje takimi i Vjenës për Iranin


Sekretari amerikan i Shtetit John Kerry dhe diplomatë të lartë perëndimorë nuk arritën dot një marrëveshje të dielën me Iranin, ndërsa afati për arritjen e një marrëveshjeje afatgjatë është caktuar pas një jave.

Pas mbarimit të takimit dy ditor në Vjenë, Sekretari i Jashtëm britanik William Hague, tha se "nuk është shënuar ndonjë arritje."

Negociatat janë të plan të vazhdojnë të hënën dhe Sekretari Kerry po qëndron në Vjenë, për takime me homologun e tij iranian.

Pesë anëtarët e përhershëm të Këshillit të Sigurimit, plus Gjermaninë, kanë disa muaj që negociojnë me Teheranin, për programin bërthamor të vendit.

Irani thotë se aktiviteti bërthamor i vendit synon prodhimin e një reaktori bërthamor për prodhimin e energjisë, por SHBA dhe qeveri të tjera të Perëndimit kanë shqetësimin se Teherani po përpiqet të prodhojë armë bërthamore, akuza që Irani i mohon.

XS
SM
MD
LG