Lidhje

Heqja e vizave lehtëson vizitat e prindërve tek fëmijët emigrantë

  • Raimond Kola

Heqja e vizave lehtëson vizitat e prindërve tek fëmijët emigrantë

Heqja e vizave lehtëson vizitat e prindërve tek fëmijët emigrantë

Lëvizja pa viza ka sjellë bashkimin për festat e fundvitit të disa mijëra familjeve shqiptare. Emigrantët që kthehen nga Greqia thonë se prej vitesh e kishin të pamundur t'i merrnin familjarët e tyre për shkak të pamundësisë së marrjes së vizave.

Në kufi dhjetëra djem dhe vajza të reja udhëtojnë me prindërit e tyre për në Greqi, për të kalur së bashku Vitin e Ri, duke vlerësuar se ky është edhe hapi i parë i lëvizjes së lirë në kufi.

Këtë vit, ndryshe nga çdo vit tjetër ndërsa Shqipëria përballon kthimin e emigrantëve për festat e fundvitit përcjell edhe disa mijëra qytetarë shqiptarë kryesisht drejt vendeve fqinje. Ritmi i daljes mbetet i lartë.

Janë kryesisht familje të emigrantëve shqiptarë që bashkohen pas gati 20 vitesh për të kaluar së bashku në Greqi vitin e ri. Ndërsa autoritetet greke në kufi ndjekin praktika strikte kontrolli për të rinjtë , sidomos në plotësimin e një serie dokumetesh, për moshat e thyera niveli i kërkesës është më i butë.

Dhjetëra djem dhe vajza mbërrijnë çdo ditë në kufi për të marrë prindërit dhe të afërmit e tyre e për tu rikthyer për festat në Greqi. Shaban Coktani nga Gjirokastra thotë se lëvijza pa viza e lehtëson këtë vajte – ardhje të shqiptarëve. Edhe Dritani udhëton me nënën për në Greqi. Ai ka një pasaportë biometrike dhe dokumentet që i ka përgatitur i biri. “Lëvizja e lirë tani duket se është e mirë për pleqtë dhe për ata që kanë një hall shëndetësor apo familjar".

Por Pëllumbi thotë se udhëton me lejen e qëndrimit në Greqi. Ai është skeptik për një udhëtim të lirshëm për shkak të morisë së dokumenteve që kërkojnë zyrtarët grekë të kufirit.

Edhe Gazmend Grëmi është i lumtur që do t`u tergojë prindërve për herë të parë vendin ku jeton dhe punon në Greqi . Ai hyn në Kakavijë për të udhëtuar drejt Fierit ku do të marrë prindërit rit dhe do të rikthehet në Greqi. Do të kalojmë patjetër mirë edhe Vitin e Ri , do të jetë ndryshe nga vitet e tjerë dhe jam i bindur që prindërit do të kënaqen “ , thotë ai.

Në fakt, ajo që duket në pikat e kalimit kufitar është prirja e moshave të thyera për të udhëtuar jashtë vendit për herë të parë pa viza. ...Ndoshta në kërkim të këtyre viteve të humbura kur jetonin larg djemvee dhe vajzave emigrantë.

XS
SM
MD
LG