Lidhje

Vizita e Ramës në Gjermani


Kancelarja gjermane Angela Merkel deklaroi sot në Berlin gjatë një konference shtypi me kryeministrin shqiptar Edi Rama se vendi i saj do ta shohë me pozitivitet cështjen e statusit në Bashkimin Europian për Shqipërinë, por në bazë të raportit që do të paraqitet nga Komisioni, saktësoi ajo.

Në qershor – tha kancelarja Merkel - Komisioni do t`i ketë regjistruar përparimet në Shqipëri dhe ne do t`i shikojmë me vështrim pozitiv dhe do të vendosim me vështrim pozitiv”, ndërsa shtoi se “perspektiva europiane është e nevojshme për vendet e Ballkanit Perëndimor dhe për Shqipërinë”.

Kancelarja gjermane nënvizoi edhe një herë se “lufta ndaj korrupsionit dhe krimit të organizuar, shteti ligjor dhe pavarësia e sistemit gjyqësor janë standarte shumë të rëndësishme për t’u arritur”. Nga ana e tij kryeministri shqiptar Edi Rama përsëriti angazhimin e qeverisë së tij për të ecur përpara me reformat që do të mundësonin një luftë reale ndaj korrupsionit dhe krimit të organizuar.

Shqipëria e ka vendin në Europë, theksoi zoti Rama duke premtuar se Tirana “do të bëjë gjithçka ditë pas dite, që të meritojë atë respekt dhe të meritojë atë vend që shqiptarët aspirojnë”.

Trego komentet

XS
SM
MD
LG