Në Shqipëri socialistët do të mbledhin nesër kongresin për të diskutuar mbi disa ndryshime në statutin e tyre dhe për të paraqitur disa ndërhyrje të mundshme në program. Por forumi i lartë, më shumë se sa me këto çështje për të cilat është thirrur, duket se do të përqëndrohet në linjën e ardhshme politike dhe protestat. Këtë e parlajmëroi një ditë më parë edhe kryetari socialist Edi Rama. Socialistët kanë ndërthurur çështjen e zgjedhjeve edhe me problemet ekonomike për të zgjeruar në këtë mënyrë edhe bazën e mbështetjes.