Federata e Sindikatës së Bujqve të Kosovës, kishte zgjedhur sot një formë të veçantë të protestës ndaj politikave agrare në vend dhe gjendjes së vështirë të bujqësisë, duke bllokuar qendrën e Prishtinës me traktorë. Protestuesit i bënë thirrje qeverisë për mbështetjen e bujqësisë në vend në radhë të parë më shtimin e buxhetit që ndahet për këtë sektor. Autoritetet thanë se do të fillojnë dialogun social për këtë çështje, por ritheksuan problemet me buxhetin e kufizuar të vendit.