Lidhje

Votuesit në Islandë hodhën poshtë një plan për t’i ripaguar borxhin Britanisë së Madhe dhe Holandës


Votuesit në Islandë hodhën poshtë një plan për t’i ripaguar borxhin Britanisë së Madhe dhe Holandës
Votuesit në Islandë hodhën poshtë një plan për t’i ripaguar borxhin Britanisë së Madhe dhe Holandës

Votuesit në Islandë hodhën poshtë një plan për t’i ripaguar Britanisë së Madhe dhe Holandës 5 miljardë dollarët që shtetasit e tyre kanë humbur nga falimentimi i bankave islandeze.

Pas numrimit të shumicës së fletëvotimeve nga referendumi i ditës së djeshme, 59 përqind kanë votuar kundër këtij plani. Kryeministrja Johana Sigurdar-dottir i quajti zhgënjyese rezultate e referendumit. Ajo tha se votimi kundër këtij plani do të rezultojë në kaos politik dhe ekonomik. Edhe sekretari britanik i thesarit, Danny Alexander, ishte i zhgënjyer nga rezultati i referendumit. Ai tha se Britania respekton vullnetin e votuesve por ka shumë të ngjarë që kjo çështje të përfundojë në gjykatë. Autoritetet thonë se konsumatorët britanikë dhe holandezë kanë depozituar 5 miljardë dollarë në bankën e internetit, Icesave. Kur kjo bank falimentoi, Britania dhe Holanda kompensuan shtetasit e tyre për kursimet e humbura. Të dyja palët tani po kërkojnë kompensim nga Islanda.

XS
SM
MD
LG