Sulmet e kryengritësve dhe shpërthimet me bomba në Afganistan kanë shkaktuar vdekjen e 6 ushtarëve të NATO-s, mes tyre një italian.
Koalicioni thotë se gjatë sulmeve të ndryshme me bomba u vranë 5 prej pjesëtarëve të kësaj organizate sot në perëndim, jug dhe lindje të vendit.
Zyrtarë italianë thanë se gjatë njërit prej shpërthimeve u vra një ushtar italian dhe u plagosën 4 të tjerë në provincën perëndimore të Heratit.
NATO-ja thotë se gjatë një sulmi të kryengritësve u vra ushtari i gjashtë, i forcave të alenacës në lindje të Afganistanit.
Dhuna është rritur teksa trupat afgane dhe ato ndërkombëtare po përpiqen të spastrojnë zonat e njohura si baza të forta të talebanëve.
Viti i kaluar shënoi numrin më të lartë të vdekjeve të ushtarëve të NATO-s që nga viti 2001 ku koalicion i udhëhequr nga SHBA hyri në Afganistan. Vitin e kaluar u shënuan 700 ushtarë të vrarë të aleancës në Afganistan.