Lidhje

Vritet nga një sulm ajror udhëheqësi i lartë i al-Kaidës, al-Quso

  • Zëri Amerikës

Një udhëheqës i al-Kaidës në rajonin e Gjirit Persik, i cili ndiqej lidhur me shpërthimin në luftanijen USS Cole në vitin 2000, u vra gjatë një sulmi ajror amerikan dje në Jemen.

Zyrtarët jemenas thanë se Fahd al-Quso u qëllua me raketë në Rafth të provincën jugore Shabwa të vendit, sëbashku me një tjetër operativ, të identifikuar si Fahed al-Akdam.

Ambasada e Jemenit në Uashington tha se al-Quso ishte “një prej terroristëve më të kërkuar nga Jemeni”. Grupi terrorist al-Kaida në Gadishullin Arabik e konfirmoi vdekjen e tij me një deklaratë që lëshoi dje.

Lajmet nga Adeni citojnë pa emra zyrtarë amerikanë, të cilët kanë thënë se al-Quso u vra nga një sulm amerikan me raketë. Ai ka qënë në listën e personave më të kërkuar të FBI-së dhe për arrestimin e tij ishte caktuar një shpërblin prej pesë milionë dollarësh.

XS
SM
MD
LG