Lidhje

Vritet një serb, plagoset një tjetër në Kosovën perëndimore

  • Zëri Amerikës

Vritet një serb, plagoset një tjetër në Kosovën perëndimore

Vritet një serb, plagoset një tjetër në Kosovën perëndimore

Në Kosovë, policia bëri të ditur se një serb është vrarë dhe një tjetër është plagosur në një incident të pasqaruar në Kosovën perëndimore.

Sipas policisë, Aleaksandër Putnik dhe i biri i tij Dobrica Putnik janë qëlluar më armë zjarri mbrëmë pas mesnate, kur po largoheshin nga një restorant, pronë e një shqiptari në fshatin Xërxë të komunës së Rahovecit, rreth 60 kilometra në perëndim të Prishtinës.

Aleksandër Putnik ka ndërruar jetë, ndërsa i biri po trajtohet në spitalin e Prizrenit. Policia tha se ka kryer disa bastisje në këtë fshat, por nuk ka pasur të arrestuar.

Viktimat e incidentit janë banorë të fshatit Hoçë e Madhe të komunës së Rahovecit, një fshat i banuar me shumicë serbe.

Përfaqësues të strukturave politike të mbështetura nga Beogradi, fajësuan shqiptarët, duke kërkuar nga EULEX-i që të kryejë hetimet dhe të transferojë të plagosurin nga spitali i Prizrenit në veriun e Mitrovicës të banuat me shumicë serbe.

Policia tha se është vënë në përpjekje për ndriçimin e incidentit por është ende herët të thuhet se cilat ishin motivet apo autorët e tij.

XS
SM
MD
LG