Faqja YouTube nuk është më e mbizotëruar nga video shtëpiake që tregojnë foshnja dhe kafshë që luajnë. Kohët e fundit kjo faqe ka hapur studio videografike të nivelit të lartë në Londër, New York, Los Angeles dhe Tokio. Objektivi është përmirësimi i cilësisë së produkteve në YouTube në një kohë kur interneti po bëhet burimi kryesor i programeve të zbavitjes për brezin e ri në shumë pjesë të botës.
Është një ditë intensive në sheshin e xhirimeve të “Shkollës së mesme të lojrave elektronike”, një program me audiencë të shpërndarë me gjithë botën. Por ky program nuk do të shfaqet në televizion. Të gjitha episodet janë në internet.
“Kjo është një seri në internet me metrazh të gjatë, me një buxhet të ngjashëm me atë të një produkti shumë më të specializuar dhe me cilësinë të njëjtë me një program që shfaqet në televizion”.
Jimmy Wong është një prej krijuesve të serisë dhe aktor në këtë seri. Vëllai i tij Freddie është regjisor. Sezoni i dytë i shfaqjes ka një buxhet prej mbi 800 mijë dollarësh, dhuruar nga shikuesit në Internet, shumica me nga një kontribut prej 5 deri 15 dollarë.
“Kemi mbi tre milionë të abonuar në YouTube, kështu që pa dyshim kjo është një bazë e gjerë dhe shumica e tyre janë të moshës nga 13 në 17 vjeç, pra një audiencë që anon nga mosha e re”.
Brezi i ri i moshës nën 35 vjec, tani përdorin internetin, veçanërisht YouTube, për të parë emisionet e tyre të preferuara, thotë Malik Ducard, drejtor i partneritetit të përmbajtjes në YouTube Google.
“Kjo grupmoshë përdor YouTube shpesh si dritaren e parë për nevojat e tyre televizive”
Shikuesit gjithmonë gjejnë diçka të re në You Tube. 72 orë përmbajtje ngarkohet çdo minutë në këtë faqe interneti.
Tani YouTube po përpiqet të ofrojë në internet përmbajtje që ka imazh më profesional. Kjo hapësirë prej 3700 metra katrorë në Los Angeles – plot me drita dhe kamera – është më e madhja e katër studiove të kompanisë. Liam Collins është drejtor i kësaj qendre të YouTube-it në Los Angeles.
“Ne duam që të na shtohet numri i shikuesve dhe ne besojmë se një cilësi me cilësi më të lartë dhe përmbajtje ambicioze, do t’i shërbejë këtij synimi”.
“Shkolla e mesme e lojrave elektronike” nuk është i vetmi program i zgjedhur për t’u realizuar në këtë studio. Olga Kay me origjinë nga Rusia, përdorte shumë faqe derisa gjeti YouTube. Tani ajo është lejuar të xhirojë komedi në studion e YouTube-it.
“Mendoj se në pesë vitet e ardhshme do të shohim shkrirjen e shumë kompanive të tilla. Shumë yje të Hollivudit po zhvendosen në YouTube”.
Studiot kinematografike dhe televizive po përdorin gjithashtu firmën YouTube për të reklamuar produktet e tyre. Përdoruesit e YouTube thonë se ata gjithashtu mund të komentojnë për materialin e YouTube-it duke i dhënë mendimin e tyre, autorëve.
“Mund të komunikosh direkt me këta njerëz. Është diçka më personale”.
“Çdo gjë është bërë më interaktive."
Malik Ducard i YouTube Google thotë se Interneti lejon si studiot e konsoliduara të Hollivudit, ashtu edhe lojtarët e rinj të arrijnë një audiencë globale.
Është një ditë intensive në sheshin e xhirimeve të “Shkollës së mesme të lojrave elektronike”, një program me audiencë të shpërndarë me gjithë botën. Por ky program nuk do të shfaqet në televizion. Të gjitha episodet janë në internet.
“Kjo është një seri në internet me metrazh të gjatë, me një buxhet të ngjashëm me atë të një produkti shumë më të specializuar dhe me cilësinë të njëjtë me një program që shfaqet në televizion”.
Jimmy Wong është një prej krijuesve të serisë dhe aktor në këtë seri. Vëllai i tij Freddie është regjisor. Sezoni i dytë i shfaqjes ka një buxhet prej mbi 800 mijë dollarësh, dhuruar nga shikuesit në Internet, shumica me nga një kontribut prej 5 deri 15 dollarë.
“Kemi mbi tre milionë të abonuar në YouTube, kështu që pa dyshim kjo është një bazë e gjerë dhe shumica e tyre janë të moshës nga 13 në 17 vjeç, pra një audiencë që anon nga mosha e re”.
Brezi i ri i moshës nën 35 vjec, tani përdorin internetin, veçanërisht YouTube, për të parë emisionet e tyre të preferuara, thotë Malik Ducard, drejtor i partneritetit të përmbajtjes në YouTube Google.
“Kjo grupmoshë përdor YouTube shpesh si dritaren e parë për nevojat e tyre televizive”
Shikuesit gjithmonë gjejnë diçka të re në You Tube. 72 orë përmbajtje ngarkohet çdo minutë në këtë faqe interneti.
Tani YouTube po përpiqet të ofrojë në internet përmbajtje që ka imazh më profesional. Kjo hapësirë prej 3700 metra katrorë në Los Angeles – plot me drita dhe kamera – është më e madhja e katër studiove të kompanisë. Liam Collins është drejtor i kësaj qendre të YouTube-it në Los Angeles.
“Ne duam që të na shtohet numri i shikuesve dhe ne besojmë se një cilësi me cilësi më të lartë dhe përmbajtje ambicioze, do t’i shërbejë këtij synimi”.
“Shkolla e mesme e lojrave elektronike” nuk është i vetmi program i zgjedhur për t’u realizuar në këtë studio. Olga Kay me origjinë nga Rusia, përdorte shumë faqe derisa gjeti YouTube. Tani ajo është lejuar të xhirojë komedi në studion e YouTube-it.
“Mendoj se në pesë vitet e ardhshme do të shohim shkrirjen e shumë kompanive të tilla. Shumë yje të Hollivudit po zhvendosen në YouTube”.
Studiot kinematografike dhe televizive po përdorin gjithashtu firmën YouTube për të reklamuar produktet e tyre. Përdoruesit e YouTube thonë se ata gjithashtu mund të komentojnë për materialin e YouTube-it duke i dhënë mendimin e tyre, autorëve.
“Mund të komunikosh direkt me këta njerëz. Është diçka më personale”.
“Çdo gjë është bërë më interaktive."
Malik Ducard i YouTube Google thotë se Interneti lejon si studiot e konsoliduara të Hollivudit, ashtu edhe lojtarët e rinj të arrijnë një audiencë globale.