Zyrtarët serbë thanë se do të zbatojnë në tërësi marrëveshjen për normalizimin e marrëdhënieve me Kosovën që përfshinë edhe pjesëmarrjen e serbëve të komunave veriore të Kosovës ne zgjedhjet për pushtetin komunal. Komentet e tyre pasuan qëndrimin e përfaqësuesve të serbëve të veriut të Kosovës për të mos zbatuar marrëveshjen që atyre u ofron një shkallë të lartë të autonomisë në kuadër të Kosovës. Mospjesëmarrja e mundshme në zgjedhje, mund të vërë në pikëpyetje edhe datën e fillimit të negociatave për anëtarësim të Serbisë në Bashkimin Evropian, negociata këto që do të duhej të hapeshin në janar të vitit të ardhshëm.