Lidhje

Zi kombëtare në Maqedoni për nder të Kiro Gligorovit

  • Zëri Amerikës

Zi kombëtare në Maqedoni për nder të Kiro Gligorovit

Zi kombëtare në Maqedoni për nder të Kiro Gligorovit

Maqedonia mbajti sot zi kombëtare për të nderuar presidentin e parë të vendit të zgjedhur në mënyrë demokratike, Kiro Gligorov, i cili u nda nga jeta të dielën në moshën 94 vjeçare.

Në të gjithë vendin, flamujt u ulën sot në gjysmë shtizë, ndërkohë që privat u zhvillua një funeral në një varrezë të Shkupit.

Kiro Gligorov vdiq në gjumë gjatë natës së të dielës, i rrethuar nga familjarët e tij.

Në një deklaratë, Sekretarja amerikane e Shtetit Hillary Clinton e cilësoi Presidentin Gligorov “një mik të Shteteve të Bashkuara” dhe një udhëheqës vizioni i të cilit për vendin e tij, shërben ende si një shembull për Maqedoninë dhe rajonin.

Dikur një zyrtar komunist, zoti Gligorov mori postin e Presidentit të Maqedonisë në vitin 1991, kur vendi ishte ende pjesë e Jugosllavisë. Ai i udhëhoqi Maqedoninë drejt pavarësisë në mënyrë paqësore, përmes referendumit, duke shmangur luftrat që u zhvilluan në republika të tjera ish-jugosllave.

XS
SM
MD
LG