Lidhje

Zjarre të fuqishme në kufirin shqiptaro- grek

  • Raimond Kola

Zjarre të fuqishme kanë përfshirë disa dhjetëra hektarë me pyje në kufirin shqiptaro -grek në rrethin e Sarandës. Zjarret kanë dëmtuar sipërfaqe pyjore në katër fshatra Dhiver, Cerkovice, Kallarat dhe Shendre dhe rrezikojnë edhe shtëpi të banorëve. Burimet shqiptare kanë folur për angazhimin në zonë të dy mjeteve zjarrfikëse nga Saranda ndërkohë që Bashkia e Finiqit që administron zonën,e cila banohet kryesisht nga pakica greke, nuk ka mjete për ndërhyrje të tilla emergjente.

Burimet greke kanë folur për shpalljen e emergjencës edhe nga ana greke pasi zjarret rrezikojnë të kapërcejnë kufirin.Banorët në zonat shqiptare kanë kërkuar ndihmën me mjete nga ajri për fikjen e zjarreve ndërsa burimet greke kanë pohuar se po shqyrtohet një ndihmë nga baza e avionëve të tillë për shuarjen e zjarreve që ndodhet në Korfuz.

Ndërkohë mediat vendore greke raportuan sot për një tjetër vatër të mbjellë me narkotikë në territorin grek fare afër kufirit shqiptar. Policia greke shkatërroi disa qindar bimë marijuane dhe arrestoi dy shtetas shqiptarë që nuk zotëronin dokumente qëndrimi në Greqi. Policia tha se autorët kishin ngritur një kamping ushimesh dhe strehimi dhe dy pika vëzhgimi në një zonë afër Delvinaqit ku u sekuestruan edhe fishekë të tipeve të ndryshme dhe pajisje kultivuese për marijuanën.

Kjo është hera e parë që policia greke arrin të ndalojë autorët e kultivimit. Nga burimet policore greke vlerësohet se këtë vit në brendësi të territorit grek janë shkatërruar rreth 5000 bimë narkotike.

XS
SM
MD
LG