Rusia thotë se është gati të nisë bisedimet me NATO-n për kufizimin e forcave konvencionale ushtarake në Evropë.
I dërguari i ri i Moskës në NATO, Aleksandër Grushko, tha sot se konsultimet duhet të bëhen pa asnjë përpjekje për t’i lidhur ato me çështjet politike.
Grushko tha gjithashtu se"fjalën tani e ka Evropa," duke shtuar se Rusia po pret për sinjal nga partnerët evropianë që të tregojnë interes në këtë çështje.
Traktati original i vitit 1990 për Forcat Konvencionale të Armatosura në Evropë (CFE) kufizon numrin e tankeve, avionëve dhe armëve të tjera jo-bërthamore që NATO-ja dhe ish Pakti i Varshavës mund të vendosin në perëndim të maleve Urale të Rusisë.
Të 30 vendet nënshkruese e rinënshkruan traktatin në vitin 1999, por shtetet e NATO-s refuzojnë ta ratifikojnë atë për aq kohë sa Rusia mban trupa në Gjeorgji dhe Moldavi.