Në Kosovë, pas shumë vitesh është promovuar një album me këngë të komunitetit romë. Krijuesit e albumit thonë se qëllimi i tyre është thyerja e stereotipeve dhe paragjykimeve për muzikën rome. Promovimi i këtij albumi dhe shumë veprimtari të tjera për trashëgiminë kulturore të romëve, po mbështeten nga institucionet Evropiane në Kosovë, ne funksion te integrimit te tyre. Kosova ka dokumente të avancuara lidhur me këtë çështje, por ende çalon zbatimi i tyre në praktike dhe kjo ka bërë që këto komunitete të jenë më të margjinalizuarit në Kosovë.