Në Mitrovicë, mijëra qytetarë morën pjesë në një protestë të lëvizjes Vetëvendosje për të kundërshtuar marrëveshjet në kuadër të bisedimeve ndërmjet Kosovës dhe Serbisë, që po zhvillohen në Bruksel. Lëvizja Vetëvendosje është e bindur se bisedimet do të çojnë në siç thuhet, thellimin e ndarjes së brendshme të Kosovës, ndërsa bënë të ditur se çdo marrëveshje e arritur do të jetë e papranueshme për ta. Kryeministrat e Kosovës dhe Serbisë, Hashim Thaçi e Ivica Daçiç do të takohen sërish më dy prill për të vazhduar bisedimet, të cilat aktualisht janë përqendruar në mënyrën e administrimit të veriut të Kosovës.