Në Shqipëri, prokuroria ka vendosur të marrë si të pandehur Kryetarin e Bashkisë së Vlorës Shpëtim Gjika, duke e akuzuar atë për falsifikimin e dokumenteve të dy lejeve të ndërtimit ne kete qytet. Njoftimi u bë sot nga Prokuroria e Përgjithshme. Zoti Gjika ende nuk është prononcuar lidhur me këtë akuzë të Prokurorisë, ku përfshihet edhe nje zyrtare të Bashkisë së Vlorës dhe sipërmarrësit e dy ndërtimeve. Ndërkohë në qytet sot u shemb nga autoritetet një ndërtesë buzë detit. Shembja sipas autoriteteve i hap rrugë një investimi në bulevardin buzë detit nga Skela ne drejtim te Ujit te Ftohte. Pronari i godinës nuk është prononcuar për gazetarët por nga burime jo zyrtare mësohet se ndërtimi kishte nisur në vitet 1999-2000 me një leje nga Bashkia e Vlorës. Korrespondenti ynë Raimond Kola ishte sot në Vlorë dhe i ndoqi këto zhvillime.